Jökulsárnar í Skagafirði og vatnasvið þeirra teljast með verðmætustu svæða landsins ef litið er til menningarminja, jarðminja, vatnafara, tegunda lífvera, vistkerfa og jarðvegs. Landsvirkjun áformar að virkja í Jökulsánum í Skagafirði og reisa 156 MW virkjun með Skatastaðavirkjun C.
Flýtilyklar
Skatastaðavirkjun C
Jökulsár í Skagafirði
- Skatastaðavirkjun C
- Sjá á korti
- Sjá ljósmynd
- Verndarflokkur
-
Jökulsár í Skagafirði
Landsvirkjun áformar að virkja í Jökulsánum í Skagafirði. Í 3. áfanga rammaáætlunar eru þrjár virkjunarhugmyndir á svæðinu, þ.e. Skatastaðavirkjun C, Skatastaðavirkjun D og Villinganesvirkjun, en þær falla nú allar í verndarflokk.
Jökulsárnar í Skagafirði og vatnasvið þeirra eru taldar meðal verðmætustu svæða landsins þegar kemur að menningarminjum, jarðminjum, vatnafari, verðmætum tegundum lífvera, vistkerfum og jarðvegi.
Með virkjunum í Jökulsánum í Skagafirði er votlendið á láglendi Skagafjarðar í hættu. Votlendið er myndað úr framburði jökulvatnanna sem smám saman bera botnskrið, sand og aur til sjávar.
Mynd © Hlynur Stefánsson
-
Lífríki
Ósasvæði Héraðsvatna, þ.e. Skógar, Miklavatn og Áshildarholtsvatn að vestan, Eylendið, Garðsvatn o.fl. að austan, eru alþjóðlega mikilvæg fuglasvæði (Important Bird Areas IBAs).
Fuglalíf er mikið meðfram Jökulsánum á láglendi. Þar er mikið heiðagæsavarp og grágæsavarp og að minnsta kosti þrettán fuglategundir á válista.
Í hálendi er að finna plöntuna hreistursteinbrjót (Saxifraga foliolosa) sem er válistategund.
Mynd © Hlynur Stefánsson
-
Virkjunarhugmyndir
Áform Landsvirkjunar um Skatastaðavirkjun C í Austari Jökulsá í Skagafirði fela í sér samfelld jarðgöng með veitu frá Fossá og Hölkná, Nýjabæjarfjalli. Heildarlengd aðrennslis- og frárennslisganga með aðgöngum yrði um 45 km. Áætlað afl virkjunar er 156 MW.
AÐALATRIÐI UM SVÆÐIÐ
- Jökulsárnar í Skagafirði eru á lista yfir bestu flúðasiglingaár í Evrópu.
- Jökulsárnar í Skagafirði og vatnasvið þeirra eru taldar meðal verðmætustu svæða landsins þegar kemur að menningarminjum, jarðminjum, vatnafari, verðmætum tegundum lífvera, vistkerfum og jarðvegi.
- Með virkjunum yrði votlendið á láglendi Skagafjarðar í hættu.
- Fuglalíf er mikið meðfram Jökulsánum á láglendi. Þar er mikið heiðagæsavarp og grágæsavarp og að minnsta kosti þrettán fuglategundir á válista
- Með Skatastaðavirkjun yrði búsvæðum fágætra, staðbundinna bleikjustofna í straumvötnum á hálendinu raskað.
- Virkjanir í Jökulsánum í Skagafirði gætu haft slæm áhrif á atvinnulíf í héraðinu, sérstaklega yrði ferðaþjónusta fyrir þungu höggi og sumar greinar hennar leggðust af.
Í deiglunni
-
11.10.2019
Náttúrukortið uppfært
Náttúrukortið hefur verið uppfært út frá 3. áfanga rammaáætlunar.Meira -
16.02.2015
Væntumþykja gagnvart náttúrunni
Gildin í lífinu eru dyggðir, tilfinningar og viðhorf sem við lærum og æfum til að verða betra fólk. Gildin í samfélaginu eflum við og styrkjum til að gera samfélagið betra. Við reynum á sama tíma að kveða niður brestina, heimskuna, grimmdina og eyðileggingarmáttinn sem knýr á.Meira -
06.11.2014
Aðeins ein jörð
Ljóð eftir Ómar Ragnarsson flutt á Gálgahraunstónleikunum í síðustu viku.Meira -
03.11.2014
Það var einu sinni þjóð
Það var einu sinni þjóð sem bjó í landi sem hét Perú. Þetta var listfeng og háþróuð menningarþjóð sem byggði sér borg með turnum, styttum og skrauti úr skýra gulli og lifði í þessu fjöllótta landi sem friðsöm þjóð.Meira
